BEGIN:VCALENDAR VERSION:2.0 PRODID:-//87.230.86.136//NONSGML kigkonsult.se ICALCREATOR_VERSION// METHOD:PUBLISH X-WR-CALNAME:Cliquez-ici pour télécharger tous les RDVs extra-sportifs dans mon calendrier X-WR-CALDESC:Cliquez-ici pour télécharger tous les RDVs extra-sportifs dans mon calendrier X-WR-TIMEZONE:Europe/Luxembourg BEGIN:VEVENT UID:20220701T210358CEST-63126NiNmW@87.230.86.136 DTSTAMP:20220701T190358Z DESCRIPTION: DTSTART:20220711T193000 DTEND:20220711T193000 SUMMARY:SC Ell Manifestations Assemblée Générale 2022 END:VEVENT BEGIN:VEVENT UID:20220701T210358CEST-63226M4Usc@87.230.86.136 DTSTAMP:20220701T190358Z DESCRIPTION: DTSTART;VALUE=DATE:20220716 DTEND;VALUE=DATE:20220718 SUMMARY:SC Ell Manifestations Coupe Vallée de l'Attert 2022 END:VEVENT BEGIN:VEVENT UID:20220701T210358CEST-6332JouLft@87.230.86.136 DTSTAMP:20220701T190358Z DESCRIPTION: DTSTART;VALUE=DATE:20220820 DTEND;VALUE=DATE:20220822 SUMMARY:SC Ell Manifestations Matchs de la Kermesse END:VEVENT BEGIN:VEVENT UID:20220701T210358CEST-6341fVGFO8@87.230.86.136 DTSTAMP:20220701T190358Z DESCRIPTION: DTSTART;VALUE=DATE:20221031 DTEND;VALUE=DATE:20221101 SUMMARY:SC Ell Manifestations Elloween-Bal END:VEVENT BEGIN:VEVENT UID:20220701T210358CEST-6351LVnS5s@87.230.86.136 DTSTAMP:20220701T190358Z DESCRIPTION: DTSTART;VALUE=DATE:20221118 DTEND;VALUE=DATE:20221119 SUMMARY:SC Ell Manifestations Fête des Moules END:VEVENT END:VCALENDAR Supporterclub - SC Ell

Supporterclub

Supporter Club

1993 hu sech e puer trei Memberen vum SC ELL d’Fro gestallt op et eng gutt Iddi wier e Supporterclub ze grënnen fir den SC ELL nach besser ënnerstëtzen ze kënnen. Natierlech war dëst eng gutt Iddi an esou gouf am Juli 1993 eng Grënnungsversammlung aberuff. Dës Versammlung gouf, a wei hätt et och aneschters solle sinn, beim Margot gehalen. De Supporterclub „Allez Ell“ gouf gegrënnt an nee, d’Margot war net Presidentin.

Den éischte President vum Supporterclub war de Roger Schoujean, de fréiere President vum SC Ell. Hie gouf vu fréiere Comitésmemberen a fréiere Spiller vum SC Ell, awer och vun neie Leit aus dem Duerf, ënnerstëtzt.

Den éischte Comité huet sech, niewent dem Roger Schoujean (President), aus dem Vic Crochet (Vize-President), dem Pier Schwalen (Sekretär), dem Jeannot Gasparet (Caissier), dem Felix Greisch (Member), dem René Wilwerding (Member) an dem Jängi Kemmer (Member) zesummegesat.

Leider ass haut kee Grënnungsmember méi am Comité. De Pier Schwalen huet am Joer 2013, no 20 Joer Comité an dorënner 10 Joer als President, als leschte Grënnungsmember seng wuel verdéngt Pensioun ugetrueden.

D’Haaptaufgab vum Supporterclub ass et fir wärend de Matcher d’Buvette zemaachen, d’Spiller unzefeieren an den SC Ell, mat Hëllef vun de Recetten, finanziell z’ënnerstëtzen. Zanter elo schonn 28 Joer suergt de Supporterclub wärend de Matcher vum SC Ell fir d’Wuel vun de Supporter sou datt keen hongereg oder duuschtereg heem goe muss.

28 Joer ass eng laang Zäit wärend där sech vill entwéckelt huet. Deen éischte Match, wou de Supporterclub d’Buvette gemaach huet, goufen d’Supporter aus engem nëmme 5m2 grousse Raum eraus zerwéiert. Haut geet dee Raum mol net méi duer fir déi eidel Këschten dran ze stellen. An och deemools gouf dee Raum séier ze kleng.

Am Joer 1997 hu sech dofir e puer motivéiert Membere vum Supporterclub zesumme mat der Gemeng un d’Wierk gemaach fir d’Buvette ze vergréisseren. An esou ass dann déi haut genannt „al Buvette“ entstanen.

Wann een de Pier haut freet wat him aus senger Zäit am Supporterclub besonnesch an Erënnerung bliwwen ass dann äntwert hien direkt: „Dat war d'Saison 2004/2005“. An dëser spezieller Saison ass den SC Ell sensationell bis an d'Véierelsfinall vun der Coupe de Luxembourg komm an um Enn vun der Saison fir d’éischt Kéier an d'1 Divisioun gestigen. Et war eng aussergewéinlech Saison mat ville Supporter an enger onmoosseger Euphorie am ganzen Duerf. De Pier ka sech nach ganz genee un de Match vun der Véierelsfinall géint Cebra erënneren. Et waren iwwer 600 Supporter um Eller Terrain. D’Leit an der Buvette hate keng Zäit fir de Match ze kucken an hu keen ee Goal gesinn, well se wärend dem Match 4-mol Béier nokafe waren an de ganze Match mam Kapp am Frigo gestach hunn. Dës Aventure vum SC Ell wäert net nëmmen dem Pier nach gutt an Erënnerung sinn.

Am selwechte Joer, nämlech 2005, ass den SC Ell dann och ëm eng Equipe méi grouss ginn. Nieft den Häre koum dann och eng Dammenequipe derbäi. Et gouf ëmmer méi Aarbecht fir de Supporterclub mee keen huet sech beschwéiert. Mat vill Freed huet de Supporterclub ëmmer säi Bescht gemaach fir de Supporter all Match eppes ze drénken an z’iessen unzebidden an den SC Ell, op Hären oder Damen, z’ënnerstëtzen.

2017 war dann och ee ganzt speziellt Joer fir de Supporterclub. Mat de Vestiairen ass dann och eng nei Buvette op den Terrain zu Ell komm. De 17. Oktober 2017 gouf dësen neie Komplex ageweit an déi nei Buvette ass offiziell opgaangen. Op deem Dag huet de Supporterclub derfir gesuergt datt et deenen iwwer 400 Supporteren un näischt gefeelt huet.

Op eemol gouf et zu Ell um Terrain 2 Buvetten. „Wat ee Luxus“ hu mir eis geduecht an hunn decidéiert einfach déi 2 Buvetten ze benotzen. Bei mëttlerweil 7 Equippen an iwwer 100 Matcher d’Joer um Eller Terrain géif jo och nëmmen eng Buvette guer net méi duergoen. Dofir hu mir déi „al Buvette“ am Joer 2019 och komplett renovéiert fir datt mir déi och nach vill Jore benotze kënnen.

D’Membere vum Supporterclub freeë sech op déi nächst 50 Joer an deene mir den SC Ell mat vill Begeeschterung a Motivatioun weider ënnerstëtze wäerten. Mir wäerten weiderhin eist Bescht ginn an och wa mol eng Kéier eppes net esou sollt klappen, eppes kënnen mir iech verspriechen: De Béier wäert äis an der Buvette ni ausgoen.

Heimat seet de Supporterclub dann och all senge Memberen an deene Leit Merci déi an deene leschten 28 Joer d’Buvette gemaach oder soss gehollef hunn an domat derfir gesuergt hunn datt d’Supporter, och wann et da mol eng Kéier net sou e gudde Match war, op d’mannst vum Gedrénks an Iessen um Eller Terrain ni enttäuscht waren.

---------------

Geschriwwe vum Chris Reckel an Zesummenaarbechtmam Grënnungsmember Pier Schwalen

fir de Comité vum Supporterclub „Allez Ell“

---------------

Kim Müller (President), Chris Reckel (Caissier), Jean-Claude Kemmer (Secrétaire), Mandy Antony (Member), Tanja Gilson (Member)

 

Aktuell Situatioun:

Kim Müller (President)

GSM: +352 691 791 410

Buvette

Tél.: +352 23 629 901

Actualités extra-sportives

Tirage Tombola Oldies Night 2022

Hei sinn d'Gewënner vun der Tombola vun der Oldies Night 2022:

1. Präis 100€ N°694
2. Präis 50€ N°360
3. Präis 25€ N°131
4. Präis 15€ N°538
5. Präis 15€ N°203

D'Gewënner sollen sech beim Paul Wilwerding um 621 141 406 mellen.

----------

Eigentlech sollten haut um Méinden (27 Juni 2022) d'Gewënner vun der Tombola vun eiser Oldies Night vum 25 Mee 2022 publizéiert ginn. Aus verschiddene Grënn, kann dat awer leider réicht en Donneschden gemaach ginn.

D'Gewënner ginn also en Donneschden, den 30 Juni 2022 publizéiert.

De Sporting Club Ell seet Merci fir d'Verständnis.

-----

En principe, les gagnants de la tombola de notre Oldies Night du 25 mai 2022 devaient être annoncés aujourd'hui (27 juin 2022), mais pour diverses raisons, nous ne pourrons les publier que jeudi.

Pour cette raison, les gagnants seront publiés jeudi le 30 juin 2022.

Merci pour votre compréhension.

22e Coupe Vallée de l'Attert, le 16 et 17 juillet 2022 à ELL

22e Coupe Vallée de l'Attert, le 16 et 17 juillet 2022 à ELL

Poule A: FC Préizerdaul/Réiden, RSC Tontelange, FC Perlé

Poule B: FC Biekerech, SC ELL, AS Nothomb/Post

Samedi, le 16 juillet 2022:

14h00: RSC Tontelange - FC Préizerdaul/Réiden

14h50: FC Perlé - RSC Tontelange

15h40: FC Préizerdaul/Réiden - FC Perlé

16h30: FC Biekerech - SC ELL

17h20: AS Nothomb/Post - FC Biekerech

18h00: SC ELL - AS Nothomb/Post

Dimanche, le 17 juillet 2022:

14h00: 3e Poule A - 3e Poule B

15h45: 2e Poule A - 2e Poule B

17h30: 1ier Poule A - 1ier Poule B

19h15: Remise des prix

All d'Informatiounen fannt dir nach eng Kéier hei!

Organisation: Sporting Club ELL