Supporterclub

Supporter Club

1993 hu sech e puer trei Memberen vum SC ELL d’Fro gestallt op et eng gutt Iddi wier e Supporterclub ze grënnen fir den SC ELL nach besser ënnerstëtzen ze kënnen. Natierlech war dëst eng gutt Iddi an esou gouf am Juli 1993 eng Grënnungsversammlung aberuff. Dës Versammlung gouf, a wei hätt et och aneschters solle sinn, beim Margot gehalen. De Supporterclub „Allez Ell“ gouf gegrënnt an nee, d’Margot war net Presidentin.

Den éischte President vum Supporterclub war de Roger Schoujean, de fréiere President vum SC Ell. Hie gouf vu fréiere Comitésmemberen a fréiere Spiller vum SC Ell, awer och vun neie Leit aus dem Duerf, ënnerstëtzt.

Den éischte Comité huet sech, niewent dem Roger Schoujean (President), aus dem Vic Crochet (Vize-President), dem Pier Schwalen (Sekretär), dem Jeannot Gasparet (Caissier), dem Felix Greisch (Member), dem René Wilwerding (Member) an dem Jängi Kemmer (Member) zesummegesat.

Leider ass haut kee Grënnungsmember méi am Comité. De Pier Schwalen huet am Joer 2013, no 20 Joer Comité an dorënner 10 Joer als President, als leschte Grënnungsmember seng wuel verdéngt Pensioun ugetrueden.

D’Haaptaufgab vum Supporterclub ass et fir wärend de Matcher d’Buvette zemaachen, d’Spiller unzefeieren an den SC Ell, mat Hëllef vun de Recetten, finanziell z’ënnerstëtzen. Zanter elo schonn 28 Joer suergt de Supporterclub wärend de Matcher vum SC Ell fir d’Wuel vun de Supporter sou datt keen hongereg oder duuschtereg heem goe muss.

28 Joer ass eng laang Zäit wärend där sech vill entwéckelt huet. Deen éischte Match, wou de Supporterclub d’Buvette gemaach huet, goufen d’Supporter aus engem nëmme 5m2 grousse Raum eraus zerwéiert. Haut geet dee Raum mol net méi duer fir déi eidel Këschten dran ze stellen. An och deemools gouf dee Raum séier ze kleng.

Am Joer 1997 hu sech dofir e puer motivéiert Membere vum Supporterclub zesumme mat der Gemeng un d’Wierk gemaach fir d’Buvette ze vergréisseren. An esou ass dann déi haut genannt „al Buvette“ entstanen.

Wann een de Pier haut freet wat him aus senger Zäit am Supporterclub besonnesch an Erënnerung bliwwen ass dann äntwert hien direkt: „Dat war d'Saison 2004/2005“. An dëser spezieller Saison ass den SC Ell sensationell bis an d'Véierelsfinall vun der Coupe de Luxembourg komm an um Enn vun der Saison fir d’éischt Kéier an d'1 Divisioun gestigen. Et war eng aussergewéinlech Saison mat ville Supporter an enger onmoosseger Euphorie am ganzen Duerf. De Pier ka sech nach ganz genee un de Match vun der Véierelsfinall géint Cebra erënneren. Et waren iwwer 600 Supporter um Eller Terrain. D’Leit an der Buvette hate keng Zäit fir de Match ze kucken an hu keen ee Goal gesinn, well se wärend dem Match 4-mol Béier nokafe waren an de ganze Match mam Kapp am Frigo gestach hunn. Dës Aventure vum SC Ell wäert net nëmmen dem Pier nach gutt an Erënnerung sinn.

Am selwechte Joer, nämlech 2005, ass den SC Ell dann och ëm eng Equipe méi grouss ginn. Nieft den Häre koum dann och eng Dammenequipe derbäi. Et gouf ëmmer méi Aarbecht fir de Supporterclub mee keen huet sech beschwéiert. Mat vill Freed huet de Supporterclub ëmmer säi Bescht gemaach fir de Supporter all Match eppes ze drénken an z’iessen unzebidden an den SC Ell, op Hären oder Damen, z’ënnerstëtzen.

2017 war dann och ee ganzt speziellt Joer fir de Supporterclub. Mat de Vestiairen ass dann och eng nei Buvette op den Terrain zu Ell komm. De 17. Oktober 2017 gouf dësen neie Komplex ageweit an déi nei Buvette ass offiziell opgaangen. Op deem Dag huet de Supporterclub derfir gesuergt datt et deenen iwwer 400 Supporteren un näischt gefeelt huet.

Op eemol gouf et zu Ell um Terrain 2 Buvetten. „Wat ee Luxus“ hu mir eis geduecht an hunn decidéiert einfach déi 2 Buvetten ze benotzen. Bei mëttlerweil 7 Equippen an iwwer 100 Matcher d’Joer um Eller Terrain géif jo och nëmmen eng Buvette guer net méi duergoen. Dofir hu mir déi „al Buvette“ am Joer 2019 och komplett renovéiert fir datt mir déi och nach vill Jore benotze kënnen.

D’Membere vum Supporterclub freeë sech op déi nächst 50 Joer an deene mir den SC Ell mat vill Begeeschterung a Motivatioun weider ënnerstëtze wäerten. Mir wäerten weiderhin eist Bescht ginn an och wa mol eng Kéier eppes net esou sollt klappen, eppes kënnen mir iech verspriechen: De Béier wäert äis an der Buvette ni ausgoen.

Heimat seet de Supporterclub dann och all senge Memberen an deene Leit Merci déi an deene leschten 28 Joer d’Buvette gemaach oder soss gehollef hunn an domat derfir gesuergt hunn datt d’Supporter, och wann et da mol eng Kéier net sou e gudde Match war, op d’mannst vum Gedrénks an Iessen um Eller Terrain ni enttäuscht waren.

An der Generalversammlung vum 14. Juli 2023 huet de President vum Supperterclub, de Kim Müller, matgedeelt dass de Supporterclub ab der Saison 2023/2024 an den SC ELL integréiert gëtt. De Supporterclub wäert et also net méi eenzel ginn.

---------------

Geschriwwe vum Chris Reckel an Zesummenaarbechtmam Grënnungsmember Pier Schwalen

fir de Comité vum Supporterclub „Allez Ell“

Actualités extra-sportives

Programm vum 21. - 27.03.2024

JEUNES FILLES I

3. Championnatsmatch

Donneschdes, den 21. Mäerz 2024 um 18h30 zu Mënsbech (Terrain synth.)

Ent. Wormeldange/Munsbach/CSG I - SC ELL

 

SENIORS RESERVES

16. Championnatsmatch

Freides, den 22. Mäerz 2024 um 20h00 zu ELL

SC ELL - FC Brouch

 

FILLETTES

3. Championnatsmatch

Samschdes, den 23. Mäerz 2024 um 10h30 zu Nidderfeelen (Terrain In Bertzent, synth.)

Ent. Feulen/Grevels/Heiderscheid/Mertzig - SC ELL

 

DAMES II

13. Championnatsmatch

Samschdes, den 23. Mäerz 2024 um 16h30 zu ELL

SC ELL - Racing Troisvièrges

 

DAMES I

18. Championnatsmatch

Samschdes, den 23. Mäerz 2024 um 19h00 zu ELL

SC ELL - Young Boys Diekirch I

Footballde Ball vum Match ass gesponsort vum Eusch Kolbet.

 

JEUNES FILLES II

3. Championnatsmatch

Sonndes, de 24. Mäerz 2024 um 11h00 zu Housen (Terrain 2, synth.)

Ent. Hosingen/FF Norden/Bastendorf I - SC ELL

 

CADETTES

3. Championnatsmatch

Sonndes, de 24. Mäerz 2024 um 15h00 zu ELL

SC ELL - FC Mamer 32

 

SENIORS I

17. Championnatsmatch

Sonndes, de 24. Mäerz 2024 um 16h00 zu Veianen (Stade Am Komp)

Orania Vianden - SC ELL

 

VETERANS

Frëndschaftsmatch

Méindes, de 25. Mäerz 2024 um 19h30 zu Béiwen (Stade Am Letschert)

US Boevange/Attert - SC ELL

 

DAMES I

1/4-Finale Coupe des Dames

Mëttwochs, de 27. Mäerz 2024 um 20h00 zu Veianen (Stade Am Komp)

Orania Vianden - SC ELL

 

Bonne Chance un all eis Ekippen.

Programm vum 16. - 18.03.2024

FILLETTES

2. Championnatsmatch

Samschdes, de 16. Mäerz 2024 um 10h30 zu Housen (Terrain 2, synth.)

Ent. Hosingen/FF Norden/Bastendorf - SC ELL

 

DAMES I

17. Championnatsmatch

Samschdes, de 16. Mäerz 2024 um 19h00 an der Stad (Stade Achille Hammerel)

Racing FC Union Luxembourg I - SC ELL

 

DAMES II

12. Championnatsmatch

Samschdes, de 16. Mäerz 2024 um 19h00 zu Ëlwen (Stade Op der Kopp)

Racing Troisvièrges - SC ELL

 

JEUNES FILLES I

2. Championnatsmatch

Sonndes, de 17. Mäerz 2024 um 11h00 an der Stad (Terrain Hollerich, synth.)

Racing FC Union Luxembourg I - SC ELL

 

JEUNES FILLES II

2. Championnatsmatch

Sonndes, de 17. Mäerz 2024 um 11h00 zu Wëntger (Terrain synth. Wincrange)

AS Wincrange I - SC ELL

 

CADETTES

2. Championnatsmatch

Sonndes, de 17. Mäerz 2024 um 15h00 zu Kielen (Terrain 2, synth.)

FC Kehlen - SC ELL

 

SENIORS I

16. Championnatsmatch

Sonndes, de 17. Mäerz 2024 um 16h00 zu Ell

SC ELL - Alliance Aischdall Hobscheid-Eischen

Footballde Ball vum Match ass gesponsort vum Joel Bragard.

 

SENIORS RESERVES

15. Championnatsmatch

Méindes, den 18. Mäerz 2024 um 20h00 zu Berbuerg (Terrain 2, synth.)

Berdenia Berbourg II - SC ELL

 

Bonne Chance un all eis Ekippen.

Programm vum 08. - 11.03.2024

SENIORS RESERVES

14. Championnatsmatch

Freides, den 8. Mäerz 2024 um 20h00 zu ELL

SC ELL - Olympia Christnach-Waldbillig

 

FILLETTES

1. Championnatsmatch

Samschdes, den 9. Mäerz 2024 um 10h30 zu ELL

SC ELL - FC Kehlen

 

DAMES I

16. Championnatsmatch

Samschdes, den 9. Mäerz 2024 um 19h00 zu Déifferdeng (Stade Municipal Differdange - Terrain 2, synth.)

Ent. Differdange/Luna I - SC ELL

 

JEUNES FILLES II

1. Championnatsmatch

Sonndes, den 10. Mäerz 2024 um 09h30 zu ELL

SC ELL - Ent. Rosport/USBC

 

JEUNES FILLES I

1. Championnatsmatch

Sonndes, den 10. Mäerz 2024 um 11h00 zu ELL

SC ELL - FC Kehlen I

 

CADETTES

1. Championnatsmatch

Sonndes, den 10. Mäerz 2024 um 15h00 zu ELL

SC ELL - Progrès Niederkorn

 

SENIORS I

15. Championnatsmatch

Sonndes, den 10. Mäerz 2024 um 16h00 zu Foulscht (Centre Culturel et Sportif)

US Folschette - SC ELL

 

VETERANS

Frëndschaftsmatch

Méindes, den 11. Mäerz 2024 um 19h30 zu Foulscht (Centre Culturel et Sportif)

US Folschette - SC ELL

 

Bonne Chance un all eis Ekippen.