News
YB Diekirch - E Atertdaul 0 - 9
D'Jeunes Filles gewannen hieren zweeten Frëndschaftsmatch mat 9-0 géint Dikkrech. An engem ganz eesäitige Match konnten folgend Spillerinnen fir den Atertdaul treffen:
3x Vania Nogueira
2x Kate Thill
2x Sandy Hoekstra
1x Hanna Thill
1x Chiara Bernardo
FC CeBra 01 - SC ELL 3 - 2
Eis Dames I verléieren den 1. Match mat 3-2 géint CeBra. Eis Dammen haaten keen gudden Dag erwëscht a waren nët richteg am Match. Mir hunn eis nët genuch getraut an oft waren nëmmen 1 bis 2 Leit konzernéiert wann mir de Ball haaten. Déi éischt 2 gudd Chancen haat CeBra. Duerno haaten Meedecher 2 gudd Chancen wou mir eemol op de Goalkeep schéissen an eemol driwwer. An der 42. Minutt konnt CeBra a Féierung goën. Mir haaten ee Meedchen no engem Corner alleng stoën gelos an daat huet onhaltbar zum 1-0 erangeschoss. Kuerz virun der Paus konnten mir awer nach duerch d'Patrice Braun ausgläichen.
An der 2. Halschent schéisst CeBra an der 52. Minutt den 2-1 no engem Verteidigunsfeeler an der Ofwier. An der 57. Minutt krut CeBra een Eelëfter zougesprach wou awer guer näischt war, mee den Arbitter ass op d'Schwalb erangefall. An der 71. Minutt konnten eis Meedercher nacheemol duerch d'Sarah Cardinali op 3-2 verkierzen. Duerno hu mir opgemeet an alles probéiert fir nach ee Punkt ze huelen. Mir haaten och nach gudd Geleenheeten, puer gudd Fräistéiss, zwou gudd Goalchancen, mee ët sollt deen Dag einfach nët sinn an ët gouf kee Punkt. Ze soën bleiwt, dass den Arbitter hätt missen enger Spillerin vun der CeBra giel-roud weisen. Nodeems ët schon giel haat, huet dëss Spillerin d'Mara Boly voll vun de Been gehol. Den Arbitter selwer soot souguer, dass daat normalerweis giel-roud ass mee hien nët gaer bei de Meedercher roud Kaarten weisst.....waat soll een do nach soën.
D'Goaler fir ELL hu geschoss:
1x Patrice Braun
1x Sarah Cardinali
SC ELL - Sporting Bertrange 0 - 6
Eis Dames 2 verléieren mat 6-0 géint Bartréng. Eis Meedercher hunn sech gudd gehal a luchen zur Paus mat 2-0 hannen. An der 2. Halschent war ët nët méi grad sou gudd an Bartréng konnt nach weider Goaler schéissen. Virunallem eng Spillerin bei Bartreng huet eis Problemer gemeet an och 4 oder 5 Goaler geschoss. Schlussendlich fällt d'Resultat bessi ze héich aus.
SC ELL - Union 05 Kayl-Tétange 0 - 3
Eis 2. Equipe verléiret mat 3-0 géint d'Equipe vun Kayl-Téiteng déi ëmmerhin 1. Klass bei den Reserven spillt. Eis Jongen hunn ee gudd Match gebueden an sech gudd geschlou.
Article wort.lu Seniors - 2ième journée:
Paroles des techniciens:
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
Veteranen Saison 2015-2016
Programm Aller:
14/09/2015 SC ELL - FC Koerich/Simmern 19h15
28/09/2015 FC Mersch - SC ELL 19h30
12/10/2015 SC ELL - FC Kehlen 19h30
26/10/2015 FC Mertzig - SC ELL 19h00
02/11/2015 SC ELL - ES Clemeny 19h15
09/11/2015 FC Perlé - SC ELL 19h15
AS Wincragne - SC ELL 1 - 2
Eis Dames I gewënnt hiere leschten Präparatiounsmatch mat 2-1 zu Wëntger. Eis Meedercher hunn gudd ugefaang an Wëntger war nët vill an eiser Halschent. Mir hunn eis gudd Goalchancen erausgespillt, mee déi lescht Pass oder den Ofschloss waren nët gudd. No 30 Minutten konnte mir no engem Corner mat 1-0 a Féierung goën duerch ee Goal vum Mara Ventura. Duerno ass de Rythmus bessi rof gaang an d'Réim goufen méi grouss. Wëntger ass sou besser an de Match komm an och geleentlich virun eisem Goal opgetaucht. An der 39. Spillminutt ass den 1-1 gefall. Mir hunn de Ball an der Ofwier vertendelt an sou stung eng Spillerin vu Wëntger aleng virum Goal fir zum Ausgläich ze treffen. Déi 2. Halschent war nët méi grad sou gudd an de Match war ausgeglach ouni dass vill Goalchancen dran waren. Déi lescht Véirelstonn hunn eis Meedercher nach eemol zu hierem Spill fonnt an haaten puer gudd Goalchancen. An der 80. Minutt huet d'Virginie Godefroid sech gudd am 16-Meter duerchgesat an zum 2-1 fir Ell rangeschoss. Dëst war och d'Endresultat vun engem mëttelméissigen Match; gudd Opbauaktiounen wou de Wee gestëmmt huet, mee de contrôle de balle d'Passen waren oft schlecht um synth. Terrrain. Weider muss een soën, dass Wëntger eng vill méi stark Equipe huet wéi d'lescht Joer an sie dierften keng Problemer an der 2. Liga hunn fir nees opzesteigen.
D'Goaler fir ELL hu geschoss:
1x Mara Ventura
1x Virginie Godefroid
SC ELL - AS Hosingen 2 - 4
Eis 1. Equipe verléiert mat 4-2 géint Housen. An engem schrecklich schwachen Match vun eise Männer kruten mir den 0-1 schon an der éischter Minutt geschoss an ët hätt no 10 Minutten kéinten 3-0 fir Housen stoën. Duerno hu mir eis bessi gefaang ouni aer gudd ze sinn an Housen haat ëmmer nees gudd Goalchancen déi sie nët genotzt hunn. An der 37. Minutt konnte mir allerdings ausgläichen duerch den Joel Maia. Ët huet ee gehofft, dëst géif d'Equipe bessi matrappen, mee an der 45. Minutt kruten mir den 1-2 nach virun der Paus geschoss. Dëse Goal ass allerdings no engem kloeren Feeler vum Géigener gefall, den de jonken Arbitter allerdings nët gepaff huet.
An der 2. Halschent huet sech näischt bei eiser Equipe geännert an Housen huet an der 51. Minutt den 3-1 an 2 Minutten duerno den 4-1 geschoss. Mir konnten an der 80 Minutt per Eelëfter duerch den Paul Wilwerding op 2-4 verkierzen, mee soss sollt nët méi vill geschéien. "Un jour sans..." soën së bei de Franzousen....an daat seet alles.
D'Goaler fir ELL hu geschoss:
1x Joel Maia
1x Paul Wilwerding
