News
FC Mamer - SC ELL 4 - 6
Eis Dammen verléieren mat 6-4 zu Mamer. An engem super Match haaten eis Meedercher méi verdingt. Mir waren direkt gudd am Match an haaten an der éischter Véirelstonn gudd Goalaktiounen. An der 22. Minutt konnt d'Virginie Godefroid dem Sarah Cardinali seng Flank zum 0-1 eranschéissen. Nëmmen 3 Minutten duerno konnt Mamer ausgläichen. No kengem Foul krut Mamer ee Fräistouss op 20 Meter zougesprach, dësen geet un d'Latt a gëtt duerno vun enger Spillerin am Abseits erangeschoss. Mir hunn konzentréiert weidergespillt an no enger super Aktioun vum Mara Ventura krëtt d'Sarah Cardinali de Ball daat den 1-2 fir ELL schéisst. Virun der Halschent sollt d'Resultat awer nach dréinen. No engem Ofwierfeeler kënnt d'Stiermerin vun Mamer zum Ofschloss den d'Samiah Poiré nach gudd paréiert mee beim Noschoss keng Chance haat, 2-2. An der 45+1. Minutt huet Mamer och nach den 3-2 no Corner geschoss wou eng Spillerin ganz alleng am 5-Meterraum stung.
Déi 2. Halschent hunn eis Dammen nees direkt ugegraf an haaten an der 47. Spillminutt den 3-3 do leien mee d'Virginie Godefroid schéisst aus 3 Meter op de Goalkeep. Weider hunn eis Meedercher dominéiert a goufen an der 53. Minutt belount. Ee Schoss vum Isabelle Kruchten gouf vum Virginie Godefroid zum 3-3 an de Goal deviéiert (de Ball wär och sou ran gaang). D'Freed war awer nët vun laanger Dauer. No engem Ofstëmmungsfeeler konnt d'Stiermerin vun Mamer de Ball teschent dem Goalkeep an Verteidiger kréien an zum 4-3 eranschéissen. Hei no waren eis Meedercher aus dem Match. An der 67. Minutt huet Mamer den 3-5 geschoss. Den 4-5 an der der 70. Minutt duerch d'Patrice Braun huet eis Meedercher awer nees zeréck an de Match bruecht an sie hunn alles probéiert fir auszegläichen, mee ët huet ëmmer bessi gefeelt fir de Goal ze machen. An der Schlussphase krute mir dann op Konter nach den 4-6 geschoss. Eis Dammen haaten méi verdingt. Sie waren déi besser Equipe, mee hunn de Match duerch domm Feeler verluer.
D'Goaler fir ELL hu geschoss:
2x Virginie Godefroid
1x Sarah Cardinali
1x Patrice Braun
SC ELL - Ruspensia Larochette II 2 - 1
Eis Dames II gewannen mat 2-1 géint déi zweet Equipe vun der Fiels. Eis Meedercher konnten schon no 5 Minutten mat 1-0 durech d'Nora Goergen a Féierung goën. Vill gudd Goalchancen hu mir nët genotzt an sou huet ët bis zur 65. Minutt gedauert éier mir den 2-0 duerch ee weideren Goal vum Nora Goergen geschoss hunn. Kuerz virun Schluss konnt Fiels op 2-1 verkierzen, mee ët soll näischt méi geschéien. Mir gewannen verdingt, mussen awer an den nächtsten Matcher eis Goalchancen besser notzen.
D'Goaler fir ELL huet geschoss:
2x Nora Goergen
E Koerich/Kehlen II - SC ELL 0 - 0
Eis 2. Equipe spillt 0-0 géint Koerich waat kengem vun deenen zwou Equipen weiderhëlleft, trotzdem war de Score gerecht no 90 Minutten. Et war ee Match mat ganz wéinig Goalchancen, mee bäid Equipen haaten eng 100% do leien. Dëst war daat 3 Gläichspill a 5 Matcher, waat nët schlecht ass, mee ët gëtt och ëmmer nëmmen 1 Punkt.
Article wort.lu Seniors - 2e tour Coupe de Luxembourg:
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
Union Mertert/W. - SC ELL 7 - 0
Eis 1. Equipe verléiert däitlech mat 7-0 zu Wasserbëllig. Mir haaten iwert de ganzen Match nët de Wëllen an den Asaatz fir dergéintzehaalen a verléieren och an der Héicht verdingt géint eng gudd Equipe.
E Atertdaul I - Racing Luxembourg 3 - 1
Eis Jeunes Filles gewannen de Spëtzematch mat 3-1 géint de Racing. Eis jonk Meedercher waren iwert de ganzen Match déi besser Equipe. Mir konnten duerch d'Sandy Hoekstra mat 1-0 duerch ee schéine Fräistouss a Féierung goën. Duerno huet d'Kate Thill op 2-0 erhéicht. An der 2. Halschent konnt de Racing op 2-1 verkierzen éier d'Hanna Thill den 3-1 schéisst. De Racing hätte nach eemol kéinten verkierzen, mee sie hunn een 7-Meter verschoss. Eis Meedercher hunn allerdings och nach gudd Goalchancen nët genotzt.
D'Goaler fir den Atertdaul hu geschoss:
1x Sandy Hoekstra
1x Kate Thill
1x Hanna Thill
Article wort.lu Dames - 4ieme journée:
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
SC ELL - AS Colmarberg 1 - 0
Eis Dames I gewannen mat 1-0 zu géint Colmarbierg. Eis Dammen hunn déi éischt 40 Minutten kloer dominéiert. Mir haaten mat engem Lateschoss a puer weideren gudden Aktiounen d'Chancen fir Goaler ze machen. Kuerz virun der Paus wier dunn Colmarbierg mat hierer éischter Chance bal a Féierung gaang.
An der 2. Halschent war Colmar bessi méi präsent um Terrain, mee eis Meedercher waren déi besser Equipe. Et huet allerdings bis zur 70. Minutt gedauert bis mir den 1-0 geschoss hunn duerch d'Virginie Godefroid. Weider gudd Chancen an nach eng Lat haate mir, mee ët blouw bis zum Schluss bei dem knappen Virsprong. Et ass awer duer gaang a mir gewannen verdingt.
De Goal fir ELL huet geschoss:
1x Virginie Godefroid
