News
SC ELL - FC Bissen 1 - 2
Eis Dames II verléiert mat 1-2 géint Bissen. Mir konnten an der 1. Halschent mat 1-0 a Féierung goën duerch d'Nora Goergen no schéiner Viraarbecht vum Agata Rabcewszka. Duerno haate mir nach puer gudd Goalchancen déi mir awer leider nët genotzt hunn. Bissen haat déi éischt Halschent och zwou gudd Geleenheeten déi eise Goalkeep, d'Elida Monteiro, gudd gehal huet.
An der 2. Halschent waren eis Dammen och nach déi besser Equipe mee konnten mir hunn ët op e Neits verpasst den 2-0 ze schéissen. No den Auswieselungen gouf ët méi schwéier an no engem domme Feeler ass dunn och nach den 1-1 gefall. Et sollt nach schlëmmer kommen, kuerz virun Schluss konnt Bissen am no engem Corner den 1-2 schéissen an de Match soumat nach gewannen. Eis Meedercher hunn ee gudde Match gemeet an haaten minimum ee Gläichspill verdingt, mee wen d'Goalchancen nët notzt.....
De Goal fir ELL huet geschoss:
1x Nora Goergen
SC ELL - Racing Troisvierges 1 - 1
Eis 1. Equipe spillt 1-1 gläich mat Ëlwen. Ëlwen huet besser ugefaang a konnt an der 17. Minutt 1-0 a Féierung goën. Duerno ass eis Equipe awer och besser an de Match komm an de Match war relativ ausgeglach och wann Ëlwen offensiv méi geféierlich war. Déi 2. Halschent huet sech näischt um Bild geännert an mir hunn alles ginn fir den Ausgläich ze schéissen. Mir haaten gudd offensiv Aktiounen mee ët huet bis zur 72. Spillminutt gedauert bis mir duerch en Joé Frisch konnten den 1-1 schéissen. Duerno haate mir Chance wéi Ëlwen eemol den 2-1 verpasst an nacheemol wéi sie ee Goal schéissen, mee ët knapp Abseits war. Mir haaten och nach Geleenheeten awer keng sou däitlech wéi Ëlwen. Alles an allem geet d'Gläichspill an d'Rei och wann Ëlwen méi no un den 3 Punkten war.
De Goal fir ELL huet geschoss:
1x Joé Frisch
Classe II
Championnat - journée 8
E Atertdaul II - YB Diekirch 5 - 1
D'Jeunes Filles II vum Atertdaul gewannen mat 5-1 géint Dikkrech. An engem ganz flotten a gudden Match hunn eis JF2 de Ball gudd laafen gelos a gewannen och verdingt.
D'Goaler fir den Atertdaul hu geschoss:
3x Sandy Hoekstra
1x Vania Marques
1x Lora Berschet
FC Walferdange - SC ELL 0 - 2
Eis Dammen konnten sech zu Walferr mat 2-0 duerchsetzen. Fir dëse Match an der Woch hunn eng ganz Rei Meedcher vun den D2 gefeelt an dofir hunn 3 Dammen aus den D1 gehollëf. Et war ee Match mat wéinig Goalchancen. ELL war déi spillbestëmmend Equipe, mee ët war schwierig gudd Goalchancne erauszespillen géint eng defensiv stark Equipe. Mir konnten an der 1. Halschent duerch d'Isa Kruchten mat 1-0 a Féierung goën. Duerno haat Walfer 2 gudd Chancen déi eise Goalkeep awer zweemol gudd gehal huet.
Déi 2. Halschent war ee Spiggelbild vun der Éischter. Mir waren besser mee d'Goalchancen waren sielen. Éier mir den 2-0 schéissen haat Walfer puer gudd Geleenheeten wou sie awer ze hasselig den Ofschloss gesicht hunn an sou nët wierklich geféierlich waren. Den 2-0 fir Ell duerch d'Nora Goergen huet och bessi berouegt. Direkt duerno haate mir den 3-0 do leien mee den sollt de Goalkeep haalen a schlussendlich blouw ët beim 2-0 fir ELL. Walfer huet eng gudd Equipe, just hiert ausspillen vu Goalchancen ass nët gudd.
D'Goaler fir ELL hu geschoss:
1x Isa Kruchten
1x Nora Goergen
Article wort.lu Seniors - 9ième journée:
Paroles des techniciens:
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
De Freiden, 23. Oktober 2015 war déi 1. Nuit du Football vun der FLF an der Rockhal zu Esch/Belval. An dësem Kader goufen verschidden Präisser iwereecht an den SC ELL war och dobäi. Mir kruten den Trophée Fair Play aus der 2. Divisoun. Bravo.
Kuckt de Video an d'Fotoën op folgendem Link bei RTL.lu:
http://www.rtl.lu/sport/724875.html
Hei nach déi anner Kategorien:
- Trophées fair-play saison 2014/2015:
| 3ème Division : | FC Excelsior Grevels | |
| 2ème Division : | SC Ell | |
| 1ère Division : | Luna Oberkorn | |
| Prom. d’Hon: | Titus Lamadeleine (Union Titus Pétange) | |
| BGL Ligue : | Victoria Rosport |
- Trophée meilleur buteur de la saison 2014/2015
- Trophée but de la saison 2014/2015 :
- Trophée meilleure joueuse de la saison 2014/2015 :
- Trophée meilleur joueur de la saison 2014/2015 :
FC Perlé - SC ELL 2 - 5
Eis 1. Equipe gewënnt mat 5-2 zu Pärel obschons mir an der Halschent mat 2-0 hannenluchen. ELL haat déi éischt gudd Chance no enger Kombinatioun tëschent dem Joé Frisch an dem Paul Wilwerding, déi awer iwert de Goal geet. An der 20. Minutt krut Pärel ee Fräistouss den sie onhaltbar zum 1-0 eransetzen. No dësem Goal ass bei eiser Equipe näischt méi zesummen gelaf, nëmmen Feelpäss, keen Asaatz. Sou haat Pärel vill Raum an konnt sech gudd Chancen erausspillen déi sie awer nët genotzt hunn. No engem Goalkeepsfeeler konnten sie trotzdem an der 39. Spillminutt mat 2-0 a Féierung goën an dësen Virsprong mat an d'Paus huelen.
Déi 2. Halschent ee ganz anert Bild vum SC ELL. Mir hunn direkt vill méi offensiv gespillt an direkt Pressing gemeet an sou ass eis och séier den 2-1 gelong. No enger Pass vum Paul Wilwerding op de Joé Frisch huet dësen mat 2. Usaatz an der 46. Minutt op 2-1 verkierzt. Daat war daat richteg Signal fir eis Equipe an mir hunn Pärel net méi spillen gelos. No enger weiderer schéiner Pass vum Paul op de Maxime Delahaut huet dësen sech super duerchgesat an an der 50. Minutt zum 2-2 erangeschoss. 5 Minutten méi spéiet huet den Arbitter op Eelëfter fir ELL entscheed an de Paul huet dësen zum 3-2 fir eis erangeschoss. An sou ass ët weidergaang. An der 59. Minutt geet de Joé Frisch aleng op de Goal an schéisst den 4-2 fir ELL. An der 63. Minutt krute mir ee weideren Eelëfter zougesprach no engem Foul um Max Berg. Déi Kéier ass de Guillaume Lecomte ugetrueden an dësen verwandelt och zum 5-2. Et bloufen nach 25 Minutten ze spillen an mir haaten nach déi eng oder aner Goalchance, mee ët sollt beim 5-2 bleiwen.
D'Goaler fir ELL hu geschoss:
2x Joé Frisch
1x Paul Wilwerding
1x Maxime Delahaut
1x Guillaume Lecomte
Article wort.lu Dames - 7e journée:
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
