Léiw Spiller, Memberen, Supporter a Frënn,

den SC ELL wënscht Iech an aerer Famill

                schéin Feierdeeg an nëmmen daat Bescht !!!

  Desweideren wënschen mir Iech ee gudde Rutsch an d’Joër 2016.  

Communiqué

Dans sa dernière réunion, le comité a décidé de mettre fin à la collaboration avec l'entraîneur Fernand Alff, et ceci avec effet immédiat.

Fernand était entraîneur de l'équipe seniors hommes depuis la saison 2014/15. Le SCELL tient à remercier Fernand pour son engagement et dévouement.

Le SCELL est dès lors à la recherche d'un nouveau entraîneur qui reprendra la charge pour le retour du championnat.

Le comité du SC ELL

Union Titus Pétange    -     SC ELL         0 - 6

Eis Dames II gewannen de leschte Championnatsmatch mat 6-0. An enger gudder éischter Halschent hunn eis Meedecher de Ball gudd laafen gelos a konnten sech vill gudd Goalchancen erausspillen. Séier, no 2 Minutten, ware mir schon mat 1-0 duerch d'Kim Jungbluth a Féierung gaang. Nëmmen 5 Minutten duerno huet d'Cynthia Ferreira op 2-0 fir Ell erhéicht. No enger schéiner Opbauaktioun spillt d'Lisa Wallendorf ee super Ball op d'Mara Ventura daat ouni Problem an der 18. Spillminutt zum 3-0 eranschéisst. Weider haaten eis Meedecher vil Goalchancen, ët huet bis zur 37. Minutt gedauert bis d'Nora Goergen op 4-0 erhéicht huet.

Déi 2. Halschent hunn eis Meedecher nët méi sou gudd de Ball laafen gelos an haaten sou och vill manner Goalchancen. Mir konnten trotzdem nach zwee Goaler schéissen. D'Lisa Wallendorf an der 65. an d'Nora Goergen an der 87. hunn fir den Endstand vun 6-0 gesuergt.

Dëst war och de leschten Match an der Hironn vun eisen Dames II. Sie stinn op enger gudder 7. Plaz mat 22 Punkten, 7 Matcher gewonn, 1 gläich a 5 verluer.

D'Goaler fir ELL hu geschoss:

2x Nora Goergen

1x Kim Jungbluth

1x Mara Ventura

1x Cynthia Ferreira

1x Lisa Wallendorf

  SC ELL     -     Racing Luxembourg          1 - 0

Eis Dames I gewannen den Nohuelmatch mat 1-0 géint den Racing Lëtzebuerg. Op engem schmierigen Terrain war ët nët einfach Fussball ze spillen. Bäid Equipen hunn allerdings probéiert de Ball laafen ze lossen. Eng éischt Chance haat eis Equipe wou den Ofschloss allerdings ze harmlos war. Duerno haat de Racing eng gudd Chance, de Ball geet awer knapp lanscht. An der 25. Spillminutt krut eng Spillerin vum Racing giel-roud an sou hunn sie de Rescht vum Match missen zu 10 spillen. Um Ufank hu mir gudd weidergespillt an ët huet een d'Iwerzuel gemierkt. Lues awer secher war daat awer nët méi sou an mir hunn de Ball ze séier verluer. An der Halschdent stung ët nach 0-0 obschons mir nees zwee gudd Bäll do leien haaten fir d'Féierung.

An der 2. Halschent war de Match relativ ausgeglach mat wéinigen Goalchancen obschons mir een méi um Terrain haaten. No engem Ofwierfeeler haate mir vill Chance, dass de Racing nët mat 1-0 a Féierung gaang ass, eise Goalkeep huet gudd Schlëmmeres verhënnert. Kuerz duerno konnnten eis Meedercher awer mat 1-0 a Féierung goën duerch d'Sarah Cardinali a mir sollten dësen Virsprong bis zum Schluss verteidigen. No 90 Minutten zu 10 haat de Racing sëcherlich ee Punkt verdingt, mee déi Kéier war d'Gléck bessi op eiser Säit.

Dëst war de leschte Match vun der Hironn an eis Dames I stinn op enger gudder 5. Plaz mat 21 Punkten, 7 Matcher gewonn an 4 verluer.

De Goal fir den SC ELL huet geschoss:

1x Sarah Cardinali

10. Wanterlaf - Sonndes, den 3. Januar 2016

 

De Wanterlaf geet zu Réiden beim Atertlycée fort. Hei ginn ët 3 Distanzen (Parcours) déi een kann laafen oder walken: 

6, 10 oder 15 km    ----   Running oder Walking 

Den Départ fir de Walking ass Moies um 09:15 Auer an den Départ fir de Running ass Moies um 10:00 Auer. Bei dësem Laaf geet ët op der enger Säit ëmt de Spass an awer haaptsächlich fir ee gudden Zweck. Mam Erléis vum Wanterlaf ginn Télévie an Trisomie21 ënnerstëtzt. Den SC ELL mëcht heimat säin jährlichen sozialen Beitrag an bezillt all Participants, den ënnert dem Numm vum SC ELL walking oder running mëcht, d'Startgeld. Daat lescht Joër huet den SC ELL op dësem Event mat bal 100 Leit deelgeho an iwer 600 € fir ee gudden Zweck ginn. Mir sollen och dëst Joër nees zesummen ee schéinen Sonnden Moien mat Kollegen, Frënn a Famill zu Réiden verbréngen an dofir gëllt och nees .....  mellt Iech un!!!

Och dëst Joër gëtt ët nees den Challenge vun der gréisster Equipe bei den Virumeldungen organiséiert. Am Joër 2011 war den SC ELL mat 87 Participantën an 2012 an 2015 mat 104 respektiv 151 Particpantën de Gewënner vun dësem Challenge, 2013 an 2014 ware mir déi Drëtt an dësem Ranking mat 96 respektiv 92 Leit.....an ët ginn jo och 15 Fläschen Schampes dofir!!! :-) 

Fir dësen Laf, wiere mir frou wann dir Iech bis spéistens Samsdes, den 20. Dezember 2015 géift umellen beim Mandy Fautsch um 691 900 305 oder per email: fauma-

Kuckt och ënner: http://www.4runner.lu/wanterlaf.htm  

Wéi gesoot, dir kannt och aer Kollegen a Famillienmemberen mat umellen, och wann sie keng Lizenz am Fussball hunn. Vill Leit hunn eng Memberskaart an nach aner vill Leit ënnerstëtzen eis och sou am Laaf vum Joër. Heimat ginn mir als SC ELL ee klénge Geste zeréck.  

!!!  Ze soën bleiwt: All Spiller a Spillerin vum SC ELL muss um Wanterlaf derbei sinn, ob laafen oder walken.

  SC ELL     -     Blo-Wäiss Medernach          0 - 5

Eis 1. Equipe verléiert kloer mat 5-0 géint Medernach. Mat enger ganz schwacher Leechtung haalen mir d'Virronn op a verbleiwen op der 4. Plaz iwert d'Wanterpaus.

SC Bettembourg     -     SC ELL          3 - 0

Eis Dammen sinn aus der Coupe ausgescheed. An engem Match mat vill Tempo huet eis Equipe eng gudd Leechtung gewiesen. No 15 Minutten konnt Betebuerg mat 1-0 a Féierung goën. Duerno haate mir zweemol Geleenheet fir auszegläichen. An der 36. Minutt huet Betebuerg op 2-0 erhéicht. An der 42. Minutt hätt de Match kéinten/missen dréinen; eng Pass an d'Déift op d'Virginie Godefroid, hatt krëtt de Ball virum Goalkeep op 18 Meter an gëtt vun hannen ëmgestouss....kloer Situatioun, Fräistouss an roud Kaart, mee den Arbitter huet näischt gesinn.

Déi 2. Halschent war de Match ausgeglach, mee d'Chance ass nët op eiser Säit. No engem Corner fir eis war de Ball hannert der Linn, mee och dëst huet den Arbitter nët gesinn. Den Arbitter haat vill onglécklech Situatiounen, leider ëmmer am Nodeel fir eis. Weider waren mir offensiv net konkret genuch an konnten kee Goal schéissen. Betebuerg huet an der 95. Minutt nach den 3-0 geschoss an soumat sinn mir eliminéiert. Eis Equipe huet awer ee gudde Match gemeet an de Match hätt missen anescht verlaafen.