News
Article wort.lu Seniors - 16ième journée:
Paroles des techniciens:
Fupa.net:
http://www.fupa.net/berichte/2division-steinfort-vorlaeufig-spitze-itzig-souveraen-420597.html
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
FC Pratz./Redange - SC ELL 7 - 2
Eis 1. Equipe verléiert den Derby mat 7-2. Eis Equipe huet ganz gudd ugefaang huet an sech gudd Goalchancen konnten erausspillen. Um Ufank vum Match haate mir Pech bei engem Potoschoss, duerno een Elëfter nët kritt an och nach eng 100% verginn. Dunn endlich konnte mir no enger schéiner Aktioun mat 1-0 duerch den Joé Frisch a Féierung goën. Dëst war awer nët fir laang, aus dem Näischt eraus konnt den FCPR zum 1-1 ausgläichen. No engem Foul um Max Berg am Strofraum huet den Arbitter op de Punkt gewiesen an den Ben Schaaf verwandelt dësen zum 2-1 fir Ell. Weider hunn eis Männer de Ball gudd laafen gelos an Drock gemeet. Den FCPR haat nët vill ze gudd, mee mat hirem 2. Ugrëff, engem Konter, hunn sie nees zum 2-2 ausgeglach. Hei no si mir bessi méi onsëcher ginn an waren nët méi sou iwerleen. Déi éischt 30 Minutten waren ganz stark vun eiser Equipe, leider hu mir 2 domm Goaler virun der Paus kasséiert.
Déi 2. Halschent war genau de Géigendeel. Keen huet sou richteg verstan waat lass war, mee déi Eller waren nët méi präsent, Nëmmen Feelpassen, kee Ball behal an all Zweekampft verluer....elo huet just nach den FCPR gespillt. Ët war eng Fro vun der Zäit bis Goaler faalen. Sou konnt sie no 60 Minutten och mat 3-2 a Féierung goën an kuerz drop op 4-2 erhéijen. 20 Minutten viru Schluss haate mir d'Méiglechkeet nees ze verkierzen. No engem Foul um Guillaume Lecomte huet den Arbitter nees op de Punkt gewiesen, mee déi Kéier huet den Ben Schaaf leider lanscht geschoss. Duerno hu mir eis nët méi erhol an den FCPR huet sech eng Goalchancen no der aner erausgespillt. No enger onglécklecher rouder Kaart vum Rick Schlesser waren déi lescht 10 Minutten nach méi sauer. Schlussendlich kommen mir mat 7-2 ënnert d'Rieder waat secherlich kee geduecht huet wann en déi éischt Halschent gesinn huet.
D'Goaler fir ELL hu geschoss:
1x Joé Frisch
1x Ben Schaaf
Dames I - remis
13. Championnatsmatch
Samsdes, den 5. März 2016 um 19:00 Auer zu ELL
SC ELL - Progrès Niederkorn - remis
Seniors Réserves - remis
13. Championnatsmatch
Freides, den 4. März 2016 um 20:00 Auer zu ELL
SC ELL - US Berdorf/Consdorf - remis
Hei ee klengen Résumé vun der Randonnée VTT an der Marche populaire vum 21. Februar 2016 zu Ell.
Weider hei nach zwee Linken mat Videoën vun der Randonnée VTT op youtube:
- Résumé Randonnée VTT a Marche populaire vum 21.02. doc - 115 Ko
Article wort.lu Dames - 12e journée:
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
SC ELL - FC Harel/Tarchamps 3 - 1
Eis 1. Equipe gewënnt mat 3-1 géint den Tabellenleschten Harel/Tarchamps. Op engem schwierigen Terrain gouf net de beschten Fussball gebueden mee bäid Equipen hunn gekämpft fir déi 3 Punkten. De Match war relativ ausgeglach och wann ELL déi besser Goalchancen haat. An der 22. Minutt konnten mir vun engem Ofwierfeeler vun Harel profitéieren a mat 1-0 duerch den Max Berg a Féierung goën. Eng Véirelstonn méi spéit haate mir den 2-0 do leien, mee dëss 100% Chance konnt net genotzt ginn. Zwou Minutten drop konnt Harel vun engem Ofwierfeeler vun eis profitéieren an zum 1-1 ausgläichen.
Déi 2. Halschent huet Harel direkt Droch gemach an de Match dominéiert. Ganz géint de Spillverlaf bis dohin konnten mir awer nees an der 57. Spillminutt a Féierung goën duerch den Joel Maia. Duerno war de Match nees equilibréiert. Déi 78. an 79. Spillminutt waren spillentscheedend. Fir d'éischt krëtt Harel een Elëfter deen sie op de Poto schéissen an am direkten Géigenzoch krute mir een Eelëfter den de Ben Schaaft zum 3-1 eranschéisst. Sou no léit gewannen a verléieren beieneen. Déi lescht 10 Minutten war d'Moral vu Harel gebrach a mir haaten nach eng Rei 100%-iger déi mir net eran kritt hunn an sou blouw ët beim 3-1 fir Ell.
D'Goaler fir ELL hu geschoss:
1x Max Berg
1x Joel Maia
1x Ben Schaaf
FC Lintgen - SC ELL 2 - 0
Eis Dames I verléieren mat 2-0 zu Lëntgen. Obschons eis Meedercher gudd ugefaang hunn an de Ball déi éischt Véirelstonn gudd laafen gelos hunn hu mir lues awer secher eis Linn verluer an eis dem Spill vun Lëntgen ugepasst. An der 35. Spillminutt konnt Lëntgen mat 1-0 a Féierung goën an daat mat hirem éischten Goalschoss. Mir haaten virun der Paus nach ee Lateschoss vum Joyce Zinelli vu gudd 30 Meter.
Déi 2. Halschent hu mir gudd ugefaang an mir hunn gudd gedéckt, konnten eis awer keng richteg gudd Goalchancen erausspillen. Oft war d'Pass ze spéit oder ze ongenau oder Lëntgen huet gudd verteidigt. Mir haaten trotzdem zweemol d'Chance fir auszegläichen. An der 64. Minutt krut d'Isa Kruchten net méi genuch Drock hannert ee Kappball vu 5 Meter. An der 70. Minutt war nees d'Isa Kruchten alleng virum Goal mee hatt konnt de Goalkeep net iwerwannen. An der 78. Spillminutt huet Lëntgen mat sengem drëtten Goalschoss op 2-0 erhéicht an de Match entscheed. Kuerz virun Schluss haate mir nacheemol d'Méiglechkeet ze verkierzen, mee och déi Kéier konnt Lëntgen nach klären. Mir hunn d'Léisung net fonnt géint eng defensiv gudd agestalten Equipe vun Lëntgen déi hier puer Chancen genotzt huet.
