News
Jeunes Filles
4. Championnatsmatch - 2. Tour
Fola Esch - SC ELL III 3 - 2
D'Goaler fir ELL huet geschoss:
2x Yana Schmitz
4. Championnatsmatch - 2. Tour
FC Junglinster - SC ELL II 0 - 2
D'Goaler fir ELL hu geschoss:
1x Larissa Delhommais
1x Zoé Ribeiro
5. Championnatsmatch - 2. Tour
SC ELL I - SC Bettembourg 12 - 2
D'Jeunes Filles gewannen héich mat 12-2 géint Betebuerg. Mat guddem Fussball luchen eis jonk Meedercher an der Halschent mat 7-0 vir. Och déi 2. Halschent ware mir iwerleen. Iwert de ganzen Match hu mir nach vill Goalchancen nët genotzt mee sie kënnen och nët all ran goën.
D'Goaler fir ELL hu geschoss:
4x Andreia Faria
4x Kate Thill
1x Vania Nogueira
1x Hanna Thill
2x Sandy Hoekstra
Racing Luxembourg - SC ELL 5 - 1
Eis Dames I verléieren mat 5-1 géint de Racing. De Match huet wierklich schlecht ugefaang. An der 13. Spillminutt rutscht eng Spillerin vum Racing mam gestreckten Been an eise Goalkeep, d'Amielle Jeanpaul, sou dass mir de Goalkeep. D'Amielle ass ausgewiesselt ginn an huet missen an d'Clinique. Mir waren déi éischt Halschent net richteg am Match an luchen no schwachen 45 Minutten mat 2-0 hannen no 2 Fräistoussgoaler. Déi 2. Halschent ass eis Equipe awer anescht opgetrueden an huet Fussball gespillt. Mir hunn de Ball gudd laafen gelos a koumen zu Goalchanchen. An der 53. Spillminutt konnte mir duerch d'Logane Wegnez op 2-1 verkierzen. 5 Minutten duerno hätte mir een Elëfter missen kréien wéi eng Spillerin vum Racing dem Joyce Zinelli an de Fouss rutscht, mee den Arbitter huet gemengt ët hätt de Ball gespillt. Ganz kloer Feelentscheedung. Nëmmen puer Minutten duerno schéissen mir no enger Flank den 2-2 mee den Arbitter huet de Goal annuléiert an dem Logane Wegnez d'giel Kaart ginn wéinst Händs. D'Logane krut de Ball awer an d'Gesicht. Leider hu mir an eiser Drockphase den 3-1 no engem dommen Ballverloscht an der Ofwier geschoss kritt. An de leschten 15 Minutten hu mir dunn hannen opgemeet fir ze propéieren nach eemol ze verkierzen. Op e neits kréie mir duerch ee krasse Feeler ee Goal geschoss zum 4-1. An der Schlussphase setzt de Racing nach ee weideren Goal drop zum Endresultat vun 5-1.
De Goal fir ELL huet geschoss:
1x Logane Wegnez
SC ELL - FC Itzig 3 - 5
Eis 2. Equipe verléiert mat 5-3 géint Itzig. An der Halschent luchen mir mat 4-1 hannen. No enger vill besserer Leeschtung an der 2. Halschent waren d'Chancen do fir de Match ze dréinen mee dëst ass eis leider nët gelong. Mir sinn nach eemol 4-3 ru komm an haaten duerno d'Geleenheeten fir Goaler ze machen, mee mam 5-3 fir Itzig war de Match entscheed.
D'Goaler fir ELL hu geschoss:
1x Jérôme Justen
1x Max Berg
1x Henri Rasqué
Article wort.lu Seniors - 20e journée:
Paroles des techniciens:
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
Article wort.lu Dames - 17e journée:
Weider Infos fann Dir och op eiser Facebook-Säit vum SC ELL:
https://www.facebook.com/pages/SC-ELL/288304597862192?ref=br_rs
Besicht och d'Facebook-Säit vum Dammefussball zu Lëtzebuerg. Do fannt dir och ëmmer nees interessant Saachen iwert den Dammefussball zu Lëtzebuerg:
FC Useldange - SC ELL 3 - 1
Eis 1. Equipe verléiert mat 3-1 zu Useldeng. Och eis Hären hunn dëse Weekend net geglänzt obschons mir zu Useldeng an der 35. Minutt duerch den Joé Frisch mat 1-0 a Féierung gaang sinn an dëst och de Pausestand war. An der 2. Halschent haate mir awer näischt méi ze gudd an Useldeng huet vill Drock gemach. Sie konnten an der 60. Minutt ausgläichen, an der 70. Spillminutt mat 2-1 a Féierung goën an an der 77. Minutt de Match mam 3-1 entscheeden. Leider hunn dëse Match eng Rei wichteg Spiller gefeelt wéinst Blessuren oder aner Grënn. No dëser Defaite faalen mir an der Tabell nees op déi 6. Plaz zeréck woubäi et awer nëmmen 2 Punkten op den Tabellendrëtten sinn. Weider trainéieren a weider kämpfen, dann geet et den nächste Match nees besser.
De Goal fir ELL huet geschoss:
1x Joé Frisch
FC Walferdange - SC ELL 2 - 1
Eis 2. Dammenequipe verléiert mat 2-1 zu Walfer. No dem gudde Match vun leschter Woch géint den Tabellenleader konnte eis Meedercher dëss Woch awer guer net iwerzegen. An engem ganz schwachen Match verléieren mir mat 2-1 zu Walfer géint 9 Leit. Obschons mir mat 1-0 a Féierung luchen haate mir de Match net am Grëff an hunn eis wierklich schlecht ugeluecht. Walfer konnt nach virun der Paus ausgläichen. An der 2. Halschent waren eis Meedercher bessi besser am Match an trotzdem hu mir et net faerdeg bruecht Goaler ze schéissen. Walfer huet gekämpft an ass belount ginn mam 2-1. Schued hei d'Punkten leien ze lossen no den 3 Punkten géint den Tabellenéischten.
De Goal fir ELL huet geschoss:
1x Agata Krakowiak
SC ELL - AS Wincrange 5 - 1
Eis Dames I gewannen mat 5-1 géint Wëntger. Eis Meedercher hunn gudd ugefaang an haaten an der éischter Véirelstonn 3 gudd Goalgeleenheeten. Duerno hu mir awer komplett de Fuedem verluer an hunn schlecht gespillt, net genuch Engagement, vill ze vill Feelpassen. Sou war et och net verwonnerlich, dass mir och an der 34. Spillminutt mat 1-0 a Réckstand geroden sînn. Kuerz virun der Halschent konnte mir awer nach duerch d'Virginie Godefroid zum 1-1 ausgläichen.
Déi 2. Halschent konnten eis Dammen sech awer steigeren an mat bessi méi vun allem hunn sie de Match och dominéiert an sinn zu Goalchancen kommen. D'Logane Wegenez schéisst eis mat 2 Goaler op d'Gewënnerstrooss. Duerno hunn d'Joyce Zinelli an d'Sandy Hoekstra op 4-1, respektiv 5-1 erhéicht. Mat dësen dräi wichtegen Punkten misst de Klassenerhalt gesëchert sinn an sou kucke mir déi nächst Matcher waat nach geet.
D'Goaler fir ELL hu geschoss:
2x Logane Wegnez
1x Virginie Godefroid
1x Joyce Zinelli
1x Sandy Hoekstra
