News
09/04/2018 - Georges Brimmeyer
Léiw Memberen, Supporter a Frënn,
gëschter Mëtten as de Match zu Useldéng an den Hannergrond gerooden! Mir kruuten leider déi schlecht Nooricht dass de Comitésmember a Frënd Georges Brimmeyer eis fir emmer verlooss huet! Wat as ee Match wärt wann een eng Persoun wéi de Brimmi verléiert? Den SC ELL dréckt der ganzer Famill dat déifst Matgefill aus an stärkt iech an där schwéierer Zait de Réck!
Dem Georges Brimmeyer soen mir villmools merci fir ALLES wat heen fir de Verain gemaach huet! Sou Leit wi heen gin et der net vill, bis dee leschten Daach huet heen alles fir de Verain gemaach! Mir wärten dech NIE vergiessen!
Rouh a Fridden Brimmi, du wärs fir emmer a gudder Arennerung bleiwen! <3
09/04/2018 - 20. Championnatsmatch - Seniors I
Sonndes, den 8. Abrëll 2018 um 16:00 Auer zu Useldéng
Fc Jeunesse Useldange - SC ELL 3 - 2
Mir verléieren de Match zu Useldéng mat 2-3! Méi as dozou net ze soen, well de Match an den Hannergrond gerooden as! Mir kruuten leider déi schlecht Nooricht dass de Comitésmember a Frënd Georges Brimmeyer eis fir emmer verlooss huet! Wat as ee Match wärt wann een eng Persoun wéi de Brimmi verléiert? Den SC ELL dréckt der ganzer Famill dat déifst Matgefill aus an stärkt iech an där schwéierer Zait de Réck! Dem Georges Brimmeyer soen mir villmools merci fir ALLES wat heen fir de Verain gemaach huet! Sou Leit wi heen gin et der net vill, bis dee leschten Daach huet heen alles fir de Verain gemaach! Mir wärten dech NIE vergiessen! Rouh a Fridden Georges, du wärs fir emmer a gudder Arennerung bleiwen!
------------------------
D'Goaler fir ELL hu geschoss:
Xavier Gena (1x)
Guillaume Lecomte (1x)
07/04/2018 - 18. Championnatsmatch - Seniors Réserves
Freides, de 6. Abrëll 2018 um 20:00 Auer zu ELL
SC ELL - Fc Brouch 4 - 2
Eis Männer gewannen och den 18. Championnatsmatch an dat verdingt mat 4-2 géint den Fc Brouch! An der Tabell bleiwt alles beim Aalen, Luerenzweiler bleiwt Tabellenzweeten mat 2 Punkten Réckstand an den Fc Syra Mensdorf bleiwt Tabellendrëtten mat 9 Punkten Réckstand! Och wann de Match geschter net ideal war, sin déi 3 Punkten immens wichteg an mir sin eisem Ziel rem ee Stéck méi no!
-------------------------
D'Goaler fir ELL hu geschoss:
Paul Wilwerding (1x)
Nicolas Beauvois (1x)
Dave De Bruyn (1x)
Ben Schaaf (1x)
06/04/2018 - Frëndschaftsmatch - Dames I
Donneschdës, de 5. Abrëll 2018 um 19:30 Auer zu Wëntger
AS Wëntger - SC ELL 2 - 10
Eis Meedercher gewannen de Frëndschaftsmatch verdingt mat 10-2 géint d'As Wëntger!
-------------------------
D'Goaler fir ELL hu geschoss:
Jill De Bruyn (3x)
Kate Thill (3x)
Mara Ventura (1x)
Joyce Zinelli (1x)
Andreia Faria Dos Santos (1x)
Vania Nogueira (1x)
05/04/2018 - 15. Championnatsmatch - Seniors I (Nohuelmatch)
Mëttwochs, de 4 Abrëll 2018 um 20:00 Auer zu ELL
SC ELL - US Feulen 6 - 0
Eis Männer gewannen den Nohuelmatch géint d'US Feelen verdingt mat 6-0 a bleiwen an der Réckronn weider ongeschlo! Ganz fréi konnten mir a Féierung goen duerch ee Gool vum Thierry Brosius! Mir hun ee gudde Match gespillt, allerdings as Feelen och zu ville gudde Chancen komm! Mat engem knappen 1-0 as et an d'Paus gaang! Nom Saitewiessel hu mir direkt Gaz gin an konnten de Match doduerch ganz fréi kloer maachen! An der 51.Minutt schéisst de Xavier Gena den 2-0, an der 69.Minutt kann e suguer den 3-0 schéissen! Duerno hun nach den Thierry Kemmer (74'), an de Jerome Justen (77' a 86') getraff! Duerch dës wichteg 3 Punkten, bleiwen mir 7 Punkten hannert dem Tabellenéischten Schieren, 6 Punkten hannert dem Tabellenzweeten Useldéng a 5 Punkten hannert dem Tabellendrëtten Berdrëff/Consdrëff!
-------------------------
D'Goaler fir ELL hu geschoss:
Xavier Gena (2x)
Jerome Justen (2x)
Thierry Brosius (1x)
Thierry Kemmer (1x)
31/03/2018 - 17. Championnatsmatch - Seniors Réserves
Freides, den 30. März 2018 um 20:00 Auer am Préizerdaul (t. synth. Emile Schlesser)
Fc Préizerdall/Réiden - SC ELL 2 - 3
Eis Männer gewannen am DERBY mat 3-2 géint eis Nooperen vum Fc Préizerdall/Réiden an huelen 3 ganz wichteg Punkten mat op ELL! Schon ganz fréi am Match konnten mir duerch een 11-Meter deen de Paul Wilwerding verwandelt huet, den 1-0 schéissen! Virun der Paus konnten den FCPR awer nach den 1-1 schéissen, sou dass et mat deem Resultat an d'Paus gaang as! No der Paus as eise Géigner besser aus de Vestiairen komm an huet vill Drock no fir gemaach, allerdings as no fir net ganz vill Geféierleches komm! Trotzdem konnten sie no enger gudder Stonn den 2-1 schéissen! Nom 2-1 hun sie nach méi Drock gemaach, mee gudd dass den 3-1 net gefall as! Wéi sou oft di lescht Matcher, sin mir zréck an de Match komm an konnten en suguer dréinen! Den Thierry Kemmer schéisst den 2-2 an der 74. Minutt an de Rodrigue Volckaerts kann suguer den 3-2 an der 82. Minutt schéissen! Duerno as naischt méi geschitt an mir gewannen um Enn, trotz allem verdingt mat 3-2 géint den Fc Préizerdall/Réiden!
-------------------------
D'Goaler fir ELL hu geschoss:
Paul Wilwerding (1x)
Thierry Kemmer (1x)
Rodrigue Volckaerts (1x)
26/03/2018 - 19. Championnatsmatch - Seniors I
Sonndes, de 25. März 2018 um 16:00 Auer zu ELL
SC ELL - GB Harlange/Tarchamps 8 - 0
Eis Männer iwwerrennen d'Green Boys Harel/Tarchamps mat 8-0! No 3 Minutten konnten mir schon mat 1-0 a Féierung goen! Dee ganzen Match hun mir dominéiert an wéi de Match ausgeet war effektiv just eng Fro vun der Héischt! Et sin ganz wichteg 3 Punkten déi mir zu ELL haalen an et as déi véiert Victoire hannerdeneen! Wichteg ze soen bleiwt nach dass de Joe Frisch ee ganz gudden Daach erwëscht haat an direkt 5x getraff huet!
-------------------------
D'Goaler fir ELL hu geschoss:
Joe Frisch (5x)
Thierry Brosius (1x)
Guillaume Lecomte (1x)
Raph Smit (1x)
25/03/2018 - 2. Championnatsmatch Retour - Jeunes Filles III
Sonndes, de 25. März 2018 um 09:30 Auer zu ELL
SC ELL III - UN Käerjéng 97 4 - 3
Eis Jeunes Filles III gewannen mat 4-3 géint d'UN Käerjéng 97!
------------------------
D'Goaler fir ELL hu geschoss:
Marta Gomes (2x)
Sofia Figueiredo (2x)
