News
SC ELL - FC Brouch 7 - 0
Eis 1. Equipe gewënnt däitlech mat 7-0 géint Brouch an hëllt nees wichteg Punkten am Obstiegskampf. Eis Jongen hunn direkt gudd ugefaang an haaten puer gudd Goalchancen, déi mir awer nët konnten notzen. Duerno ass Brouch och besser an d'Spill komm an haat och zwou gudd Goalchancen. An der 38. Spillminutt konnten mir awer a Féierung goën. No enger gudde Kombinatioun huet de Paul Wilwerding zum 1-0 erangeschoss. Kuerz drop haat Brouch den 1-1 do leien mee eis Goalkeep, de Pol May huet mat enger Glanzparad den Ausgläich verhënnert. An der 44. Spillminutt konnte mir den 2-0 schéissen. Den Ben Schaaf ass no gaang an huet vun engem Ofstëmmungsfeeler an der Bricher Verteidigung profitéiert a huet de Ball erangeschoss.
Mam éischten Ugrëff no der Paus ass och direkt d'Entscheedung gefal. De Paul Wilwerding käppt zum 3-0 eran. Duerno war d'Moral vun Brouch gebrach an mir haaten einfacht Spill. Weider Goaler vum Thierry Kemmer, Guillaume Lecomte, Paul Wilwerding an Johan Reiser hunn d'Resultat op 7-0 wuesen gelos. Brouch haat nach vereenzelt Aktiounen, mee sie konnten eise Goalkeep einfach nët iwerwannen. Ell gewënnt verdingt, weider sou!!!
D'Goaler fir Ell hu geschoss:
3x Paul Wilwerding
1x Ben Schaaf
1x Guillaume Lecomte
1x Thierry Kemmer
1x Johan Reiser
Article wort.lu Dames - 15e journée:
Paroles des techniciens:
Classement des buteueses:
Weider Infos fann Dir och op eiser Facebook-Säit vum SC ELL:
https://www.facebook.com/#!/pages/SC-ELL/288304597862192?fref=ts
an eiser Facebook Fan-Säit:
https://www.facebook.com/#!/groups/30655683675/?fref=ts
FC Mamer - SC ELL 0 - 2
An enger Woch zweemol op Mamer an zweemol gewonn. Respekt! Nodeems eis Dames I schon an der Véirelfinal vun der Coupe géint Mamer gewonn hunn, war ët déi Kéier eng 2-0 Victoire am Championnat. Eis Dammen hunn de Match awer ganz schlecht ugefaang a Mamer haat schon no 8 Minutten ee Potoschoss. Duerno sinn d'Meedercher erwäscht an de Match war ausgeglach. Ee Goal vum Logane Wegnez gouf eis oferkannt vum Arbitter. D'Logane ass bei engem wäite Ball no gaang an de Goalkeep konnt de Ball um 11m Punkt nët festhaalen an d'Logane huet sech de Ball erkämpft an de Zweekampf mam Goalkeep gewonn an de Ball rangeschoss. Den Arbitter huet awer ee Feeler vum Logane um Goalkeep gesinn an soumat de Goal annuléiert. Weider war de Match och relativ ausgeglach bis déi lescht 10 Minutten vun der 1. Halschent. Tëschent der 35. an der 45. Minutt ware mir total vum Rouleau an Mamer huet dräi 100% Goalchancen nët genotzt. Eise Goalkeep, d'Tania Kartheiser, huet super matgespillt an och mat enger super Parad de Goal proper gehal. Bei deenen aner zwou Chancen haate mir vill Chance, dass Mamer dëss nët genotzt huet.
An der 2. Halschent waren eis Meedercher direkt vill méi präsent an hunn lues awer sëcher ëmmer besser no vir agéiert. Bei der éischter gudder Chance ass d'Jill de Bruyn säitlech alleng op de Goal gezunn an huet sëch fir d'Passe-en-retrait entscheed am Plaz selwer ze schéissen. Duerno war och d'Emma Thill nët egoistisch genuch an huet de Ball nach eemol un d'Logane weider gespillt, daat awer leider am Abseits stung. An der 79. Spillminutt huet eise Capitain ët awer besser gemeet. No sengen 2 Goaler an Coupe zu Mamer huet d'Patrice Braun och déi Kéier den Duell mam Goalkeep gewonn an den 1-0 fir Ell geschoss. An der 92. Minutt ass dunn dem Logane Wegnez säin Asaatz belount ginn an hatt schéisst zum 2-0 eran. Vill Chance haate mir dëse Match wou een awer muss soën, dass eis 2. Halschent ganz an der Rei war an Mamer nët méi vill gudd Bäll haat. Dëss 3 Punkten war immens wichteg géint eng gudd Equipe vu Mamer an dobäi kënnt, dass Niederkuer mat 4-2 géint Jonglënster gewonn huet. Elo stinn eis Meedercher weiderhinn op der 1. Plaz mat 4 Punkten Virsprong op Niederkuer an Jonglënster. Bravo!!!
D'Goaler fir Ell hu geschoss:
1x Patrice Braun
1x Logane Wegnez
E Hosingen/Norden - SC ELL 4 - 0
Eis Dames 2 verléieren mat 4-0 zu Housen. Eis Meedercher hunn ee gudde Match gemeet a gudd géint Housen dergéint gehal. An der Halschent luchen mir 1-0 hannen, haaten awer och puer gudd Goalchancen. An der 2. Halschent huet Housen op 2-0 erhéicht. Mir hätten kéinten bäikommen per Elëfmeter, mee mir konnten dëss Chance nët notzen, den Elëfter ass wiedert d'Lat gaang. Weider hunn mir gudd matgespillt a gekämpft. Zum Schluss huet villäischt bessi d'Kraft gefeelt an Housen konnt an de leschte 5 Minutten nach 2 Goaler schéissen. D'Resultat ass sëcherlich ze héich ausgefal fir de gudde Match deen eis Dames II gespillt huet.
D'Jeunes Filles I gewannen och hiren 5. Championnatsmatch mat 4-2 géint d'Entente Vianden/Diekirch a bleiwen weiderhinn ongeschlo.
E Vianden/Diekirch - E Atertdaul I 2 - 4
D'Goaler fir den Atertdaul hu geschoss:
2x Mara Ventura, 1x Virginie Godefroid, 1x Nora Karger
E Hosingen - E Atertdaul II 2 - 0
FC Pratz./Redange - SC ELL 4 - 2
Eis 2. Equipe verléiert den Derby mat 4-2 a bleiwt soumat zweetleschten an der Tabell. An engem rouege Match war ët och den FC Pratz./Réiden déi méi vum Match haaten. Sie hunn dominéiert an dëst och an Goaler ëmgesaat. An der Halschent luchen sie mat 3-0 vir. Den Uschlosstreffer zum 3-1 sollt nach eemol bessi Hoffnung bréngen mee den FC P/R huet mam 4-1 nees alles kloer gemeet. Mir konnten nach den 4-2 schéissen mee duerno ass weider näischt méi geschitt. Et bleiwen nach 5 Matcher ze spillen wou mir géint direkt Kontrahenten spillen, do heescht ët alles ginn, ët ass nach alles dran.
D'Goaler fir Ell hu geschoss:
1x Johan Reiser
1x Jeff Schlink
SC ELL - AS Hosingen 1 - 3
Eis 1. Equipe verléiert mat 3-1 géint Housen. Bedingt duerch Sperren a Verletzungen war d'Equipe sëcherlich bessi geschwächt an konnt déi gudd Leeschtungen vun de leschter Matcher nëmmen phasenweis ëmsetzen. An der Halschent luch Housen mat 2-0 vir. An der 2. Halschent huet eis Equipe bessi méi offensiv agéiert an war sou och besser am Match. Leider kruten mir den 3-0 geschoss an soumat waren d'Hoffnungen kleng nach Punkten ze huelen. Mat engem schéinen Wäitschoss konnt de Johan Reiser den 1-3 schéissen. Duerno hunn eis Jongen nacheemol alles ginn a konnten sech nach puer Goalchancen erausspillen, mee um Resultat soll näischt méi änneren. Elo heescht ët géint Brouch onbedingt ze punkten!
De Goal fir Ell huet geschoss:
1x Johan Reiser
article wort.lu - 1/4 Final Coupe des Dames:
Paroles des techniciens:
http://www.wort.lu/fr/view/cedric-fulat-mamer-c-est-la-deception-qui-domine-5354d408e4b07e64fb8f98b4
Weider Infos fann Dir och op eiser Facebook-Säit vum SC ELL:
https://www.facebook.com/#!/pages/SC-ELL/288304597862192?fref=ts
an eiser Facebook Fan-Säit:
https://www.facebook.com/#!/groups/30655683675/?fref=ts
