News
SC ELL - E Canach/Remich-Bous 0 - 4
Eis Dammen verléieren mat 4-0 an der Finale géint d'Entente Canach/Remich-Bous. Eis Equipe huet schwach ugefang an huet séier 2 Goaler geschoss kritt. Duerno haate mir eis bessi erkritt an hunn och zwou 100% Goalchancen erausgespillt, mee mir konnten dëss nët notzen. Ët war einfach nët eisen Dag. Ee gudde Ball an Déift gouf vum Goalkeep mat den Hänn baussen vum 16 Meter gehal, mee d'Arbitteren hunn daat nët gesinn. Canach war ëmmer nees geféierlich iwer déi wäit Bäll an eis Ofwier haat ee schwierige Stand.
An der 2. Halschent huet eis Equipe nach eemol probéiert mat engem zousätzlichen Stiiremer nees Schwong an de Match ze kréien, allerdings huet Canach mat engem Schoss vun 30 Meter an d'Kräiz d'Moral vun eisen Meedercher defintiv gebrach. Och wann nom 4-0 vu Canach eng Spillerin giel-roud krut, sou sollt awer näischt méi geschéien. Ët war nët eisen Dag! Waat een awer muss soën, a puncto Supporter waren mir héichhaus de Gewënner. Wahnsinn déi Stëmmung vun hinnen, eis Meederch de ganze Match ënnerstëtzt och wéi de Match schons entscheed war. Do drop muss ee stolz sinn, daat sinn och schéin Momenter déi nët vergies ginn. All Respekt an een decke MERCI un all déi "MOOF" déi fir dëss impressionat Kuliss a Stëmmung gesuergt hunn.
Artikelen aus der Presse:
wort.lu - fr
wort.lu - de
tageblatt.lu
http://www.tageblatt.lu/sport/story/Entente-holt-sich-den-Pokal-28689967
quotidien.lu
http://www.lequotidien.lu/les-sports/57051.html
Reportage RTL:
http://tele.rtl.lu/emissiounen/rtl-sport/3015579.html (ab der 7:30 Min.)
AS Hosingen - SC ELL 2 - 1
Eis 2. Equipe verléiert mat 2-1 zu Housen a bleiwt drëttleschten an fällt soumat an déi 4. Divisioun zeréck. Ët war secher nët de beschte Match vun eis an trotzdem stung ët ganz laang 0-0. 10 Minutten viru Schluss konnt Housen mat 1-0 a Féierung goën éier de Martin Schaus an der 85. Spillminutt konnt ausgläichen. Dëst huet awer leider nët laang gedauert an Housen konnt nëmmen 2 Minutten duerno nees a Féierung goën an dëst war gläichbedeitend mam Schlussresultat. Och ee positivt Resultat hätt näischt un der Situatioun geännert, wëll den direkten Konkurrent, den FC Pratz./Réiden mat 1-0 géint Lëntgen gewonn huet.
De Goal fir Ell huet geschoss:
1x Martin Schaus
D'Jeunes Filles II gewannen mat 2-0 géint d'Entente vun Housen/Norden duerch Goaler vum Shanna Nicolas an Mara Boly.
D'Jeunes Filles I gewannen mat 10-5 géint d'Entente vun Vianden/Diekirch. D'Goaler hu geschoss: 4x Virginie Godefroid, 2x Nora Karger, 1x Hanna Thill, 1x Emma Schmit, ....
Soumat sinn eis jonk Meedercher och dëst Joër sëcher Champion an hirer Kategorie. Ët bleiwt nach 1 Match ze spillen (géint de Racing) an eis Jeunes Filles I hunn 5 Punkt Virsprong op den Racing Lëtzebuerg a kënnen soumat nët méi agehol ginn. Fir zweete Kéier stinn eis jonk Meedercher schons ganz uewen zum Schluss vun der Saison an daat sëcherlich och verdingt. Respekt.
E Atertdaul II - E Hosingen/Norden 2 - 0
E Atertdaul I - E Vianden/Diekirch 10 - 5
Article wort.lu Dames - 1/2 Final Coupe des Dames:
Weider Infos fann Dir och op eiser Facebook-Säit vum SC ELL:
https://www.facebook.com/#!/pages/SC-ELL/288304597862192?fref=ts
an eiser Facebook Fan-Säit:
SC ELL - FC CeBra 01 4-3 n.E. (0-0; 1-1)
Eis Dammen gewannen am 11m-Schéissen géint d'Entente Cebra-Gasperich an stinn soumat an d'Final vun der Coupe des Dames. Eis Meedercher hunn ganz gudd ugefaang an hunn de Match direkt dominéiert. No 8 Minutten leeft d'Patrice Braun schons alleng op de Goal mee konnt de Goalkeep nët bezwengen. Duerno haat d'Logane Wegnez eng super Chance déi och nët eran gaang ass. An der 20. Minutt huet d'Logane ee Ball iwert de Goalkeep geschoss, den awer aus dem 16-Meter de Ball mat den Hänn paréiert. Den Arbitter huet dunn dem Goalkeep missen roud weisen an Cebra war just nach zu 10 Meedercher. Duerno haate mir och nach dirket puer gudd Goalchancen mee de Ball sollt einfach nët eran goën. Op driwwer, lanscht, Poto, Lat oder ofgewiert op der Linn, de Ball wollt einfach nët eran an sou stung ët nach 0-0 an der Halschent.
Déi 2. Halschent hu mir direkt gudd ugefaang an d'Jill De Bruyn servéiert d'Patrice Braun um Plateau mee och dëse Ball ass driwwer gaang. Eng weider Lat an nach ee Poto, ët konnt een ët bal nët glewen. No enger Feelpass am Opbau sinn mir dunn an der 50. Minutt gudd aféiert ginn. Cebra notzt seng éischt Chance a geet mat 1-0 a Féierung. Nëmmen 2 Minutten drop war nees eng Spillerin vun der Cebra virun eisem Goal mee eisen exellenten Goalkeep, d'Tania Kartheiser, paréiert dëse Ball. An der 56. Spillminutt haate mir déi nächst gudd Offensivaktioun; d'Jill De Bruyn setzt sech iwert d'Säit duerch an seng passe-en-retrait kënnt bei d'Isa Kruchten daat den verdingten Ausgläich schéisst. Duerno ass de Match awer nët méi sou eesäitig ofgelaf wéi déi éischt Halschent an CeBra huet super dergéint gehal an haat och puer geféierlich Konterchancen déi mir awer ëmmer konnten ënnerbannen. Fir eis Meedercher goufen d'Goalchancne och bessi méi rar. Ell wollt d'Entscheedung onbedingt virum Elëfmeterschéissen mee dëst ass eis awer nët gelong. 1-1 no 90 Minutten an dunn koum ët zum Nervenspill. D'CeBra fängt un a schéisst den Éischten 11m ran. Ell kann duerch d'Conny Kaufmann ausgläichen. Den Zweeten 11ter gouf och verwandelt an déi Kéier konnt d'Joyce Zinelli ausgläichen. Den Drëtten Elëfter vun CeBra gëtt vum Tania gehal an d'Isa konnt eis mat 3-2 a Féierung bréngen. Duerno verwandelt d'CeBra zum 3-3 an d'Mara Ventura schéisst och eran sou dass mir 4-3 virluchen an ët blouw nach een ze schéissen. An och déi Kéier hällt d'Tania Kartheiser de Ball an Ell steet no 2012 nees an der Final vun der Coupe des Dames.
Op Facebook fann Dir Videoën vun der Stëmmung um Match. Kuckt iech daat un.
D'Jeunes Filles Atertdaul II verléieren den Nohuelmatch vum 6. Spilldag mat 4-0 géint Steesel.
E Atertdaul II - Alisontia Steinsel 0 - 4
Article wort.lu Dames - 18e journée:
Paroles des techniciens:
Classement des buteueses:
Artikel a Fotën op wort.lu (édition allemand)
Weider Infos fann Dir och op eiser Facebook-Säit vum SC ELL:
https://www.facebook.com/#!/pages/SC-ELL/288304597862192?fref=ts
an eiser Facebook Fan-Säit:
https://www.facebook.com/#!/groups/30655683675/?fref=ts
FC Biwer - SC ELL 2 - 3
Eis 1. Equipe verléiert den leschten Championnatsmatch mat 3-2 zu Biwer. Séier konnt Biwer mat 1-0 a Féierung goën mee eis Equipe konnt kuerz drop duerch den Pol Smit ausgläichen. Nach virun der Halschent konnt Biwer awer nees mat 2-1 virkommen. An der 2. Halschent haate bäid Equipe hier Chancen mee eréicht an de leschte 5 Minutten sinn nach weider 2 Goaler gefall. Fir d'éischt konnt Ell an der 87. Spillminutt ausgläichen duerch den Thierry Kemmer, éier Biwer an der Nospillzäit nach den 3-2 geschoss huet. Schlussendlich gi mir déi 10. an der Tabell. Schieren a Bastenduerf sinn dirket opgestiegen an Préizerdaul/Réiden spillt de Barragematch géint Béiwen. Direkt gefall sinn Burschent a Brouch an Ëlwen spillt de Barragematch géint Lasauvage.
D'Goaler fir Ell hu geschoss:
1x Pol Smit
1x Thierry Kemmer
