News
Racing Luxembourg - E Atertdaul II 6 - 1
Eis verstärkten Jeunes Filles 2 verléieren mat 1-6 um Racing. Eis Meedercher hunn gudd dergéint gehal, mee de Racing war einfach iwerleen.
De Goal fir den Atertdaul huet geschoss:
1x Marylène Weis
E Aspelt - E Atertdaul I 0 - 3 ff.
YB Diekirch - SC ELL 2 - 1
Eis Männer verléieren mat 2-1 zu Dikrech. No enger ganz schwacher éischter Halschent vun den ELLer luch Dikrech mat 1-0 vir. An der 2. Halschent sinn eis Jongen bessi erwäscht an konnten sech och mol Goalchancen erausspillen. Den 1-1 Ausgläich duerch den Guillaume Lecomte war zu dem Zäitpunkt nët onverdingt. Weider hu bäid Equipen probéiert de Match ze gewannen. Kuerz virun Schluss haat eis Equipe d'Geleenheet fir den 2-1, mee den Arbitter päift Abseits. Am direkten Géigenzuch krute mir dunn den 2-1 geschoss. Ët war ee schlechten Match vun eisen Hären an dofir sie mir och zum Schluss bestroft ginn.
De Goal fir Ell huet geschoss:
1x Guillaume Lecomte
SC ELL - Progrès Niedercorn 0 - 0
Eis Dames 1 spillen 0-0 gläich mat Niederkuer. An enger gudder éischter Halschent war Ell déi besser Equipe an haat 2-3 super Goalchancen. An der 2. Halschent huet Niederkuer méi dominéiert an haat och puer gudd Goalchancen. Alles an allem geet den 0-0 an d'Rei fir bäid Säiten.
SC ELL - FC Bissen 3 - 7
Eis Dames 2 verléieren mat 7-3 géint Bissen. Och wann eis Dammen séier mat 2-0 vir luchen konnt Bissen de Match nach virun der Paus dréinen. Nieft den éischten 2 Goaler haaten eis Meedercher nach 2 weider 100% Goalchancen. No der Verletzung vum Agata Rabczewska hu mir eis Linn verluer an Bissen konnt kuerz drop op 2-1 verkierzen. Virun der Paus kruten eis Meedercher innerhalb vun 2 Minutten 2 Goaler an d'Moral war definitiv gebrach. Mat dësem 3-2 Réckstand ass ët an d'Paus gaang. Eis Meedercher sinn nët méi an de Match komm a verléieren schlussendlich mat 7-3.
D'Goaler fir Ell hu geschoss:
1x Agata Rabczewska
1x Hannah Ritz
1x Lexy Wantz
Ruspensia Larochette - SC ELL 0 - 1
Eis 2. Equipe gewënnt mat 1-0 duerch ee Goal vum Jeff Thilmany.
Article wort.lu Seniors - 10ième journée:
http://www.wort.lu/fr/sport/football-division-2-le-cebra-surprend-sanem-54589289b9b3988708082c42
Weider Infos fann Dir och op eiser Facebook-Säit vum SC ELL:
https://www.facebook.com/#!/pages/SC-ELL/288304597862192?fref=ts
an eiser Facebook Fan-Säit:
SC Bettembourg - SC ELL 4 - 3
Eis Dammen fallen am 1. Tour vun der Coupe eraus. Am 1. Tour war direkt ee knaller Match, Betebuerg-ELL. De Méinden den Owend gouf de Match gespillt an eis Dammen zéien mat 4-3 de kierzeren. No 12 Minutten konnt Betebuerg no engem Ofwierfeeler mat 1-0 a Féierung goën. No engem schéinen Dribbling vum Emma Thill huet hatt de Ball an d'Mëtt gespillt wou d'Virginie Godefroid zum 1-1 eranschéisst. Nach virun der Paul konnt Betebuerg mat 2-1 a Féierung goën. Eis Dammen haaten och nach puer Chancen. 1 Minutt no der Paus hunn mir och vun engem Ofwierfeeler profitéiert an d'Adeline Janssens huet zum 2-2 Ausgläich erangeschoss. Mir kruten allerdings nëmmen 5 Minutten duerno nees ee Goal geschoss an ët stung 3-2 fir Betebuerg. D'Entscheedung sollt dunn 8 Minutten virun Schluss faalen mam 4-2 fir Betebuerg. Eis Equipe konnt an der Nospillzäit nach den 4-3 schéissen, mee duerno huet den Arbitter ofgepaff. Betebuerg haat sechelich déi besser Goalchancen, mee een Marie Guillaume an Topform huet eis am Match gehal. Eis Meedercher brauchen sech kee Kapp ze machen. An engem Match mat héijem Tempo hunn mir trotz deenen villen Leit déi gefeelt hunn, wéinst Verletzung an Uni, ee super Match gemeet. Mir hunn als Equipe alles ginn an mat Wëllen an Disziplin alles probéiert.
D'Goaler fir ELL hu geschoss:
2x Virginie Godefroid
1x Adeline Janssens
E Atertdaul II - E Vianden 2 - 4
D'Jeunes Filles 2 verléieren mat 4-2 géint d'Entente Vianden/Dikrech. Eis Meedercher haat virunallem an der éischter Halschent vill gudd Goalchancne déi sie awer leider nët genotzt hunn. Et stung laang 2-2, mee an der Schlussphase hunn sie nach 2 Goaler geschoss kritt.
D'Goaler fir den Atertdaul hu geschoss:
1x Vania Marques
1x Julie Ottelé
E Atertdaul I - E Wormeldange 5 - 1
D'Jeunes Filles 1 kënnen sech mat 5-1 géint d'Entente Wuermer behaapten. No 30 Sek. waren eis Meedercher mat 1-0 fir an no 3 Minutten stung ët schons 2-0. An der 5. Minutt konnt Wuermer op 1-2 verkierzen. Duerno ass bis zur Halschent kee Goal méi gefal, mee den Atertdaul hätt der nach kéinten 7-8 schéissen. Eis jonk Meedercher hu super gespillt, de Ball super laafen gelos, de Ball net an de Filet kritt. Ëmmer nees Poto, Lat oder de Goalkeep. Déi 2. Halschent haaten sie dunn awer méi Réussite a konnten nach 3 Goaler schéissen a gewannen verdingt mat 5-1. Et war wierklich ee super gudde Match vun eise jonke Meedercher.
D'Goaler fir den Atertdaul hu geschoss:
2x Kate Thill
1x Mara Ventura
1x Mara Bolly
1x Marylène Weis
