News
SC ELL - ESV Châtillon 10 - 0
Eis 1. Equipe gewënnt de Frëndschaftsmatch mat 10-0 géint Châtillon (3e Provinciale) um synth. Terrain zu Nothomb. Mir hunn direkt gudd ugefaang ouni awer Goaler ze machen. No enger Véirelstonn ass den 1-0 fir Ell gefall duerch de Max Berg. Duerno konnte mir och séier den 2-0 duerch den Pol Reckinger an den 3-0 duerch den Paul Wilwerding schéissen. Kuerz virun der Halschent huet dunn nach den Dave De Bruyn op 4-0 erhéicht.
An der 2. Halschent huet Châtillon sech nach eemol motivéiert, mee nom 5-0 duerch de Max Berg hunn sie ët opginn an ët war ee besseren Kiermesmatch. Schlussendlich gewannen mir 10-0 an ët hätt nach méi héich kéinten ginn.
D'Goaler fir Ell hu geschoss:
4x Max Berg
2x Ben Schaaf
2x Pol Reckinger
1x Paul Wilwerding
1x Dave De Bruyn
US Folschette - SC ELL 3 - 2
Eis 2. Equipe verléiert de Frëndschaftsmatch mat 3-2 géint US Folscht. An engem schwache Match hunn déi Folschter d'Goalchancen besser genotzt wéi eis Leit. Ell haat secher vill méi Chancen mee dëss konnten nët verwandelet ginn. Ët war och den éischte Match fir eis 2. Equipe. D'Goaler fir Ell hunn den Paul Wilwerding an den Chris Reckel geschoss.
FC Rodange - SC ELL 3 - 6
Eis Dammen gewannen mat 6-3 géint d'Equipe vu Rodange. Wéinst de Wierderkonditiounen war ët déi éischte Kéier wou mir nees ee Ball gerannt hunn. Dëst huet een um Ufank vum Match och gemierkt. Waat de Match méi laang gedauert huet, waat de Fussball vun eisen Dammen besser ginn ass. Obschons mir no 3 Minutten mat 1-0 hannen luchen konnte mir nees séier duerch d'Mara Ventura ausgläichen. Duerno konnte mir de Score erhéigen duerch ee weidere Goal vum Mara Ventura, vum Patrice Braun a vum Lisa Wallendorf. Kuerz virun der Paus konnt Rodange nach op 4-2 verkierzen.
An der 2. Halschent huet Ell de Match kloer dominéiert mee fussballerisch ass nach Potential no uewen. Mir hunn an der 2. Halschent nach zwee weider Goaler vum Patrice Braun a vum Mara Ventura gesinn an nach een fir Rodange. Dëse Match hunn nach d'Logane, d'Emma, d'Brenda an d'Virginie gefeelt.
D'Goaler fir ELL hu geschoss:
3x Mara Ventura
2x Patrice Braun
1x Lisa Wallendorf
FC Brouch - SC ELL 1 - 5
Eis 1. Equipe gewënnt de Frëndschaftsmatch mat 5-1 géint Brouch. Eis Equipe war de ganze Match iwerleen a konnt dëst och a Goaler däitlech machen. Mat 3 Goaler vum Charel Heusbourg an jeweils engem Goal vum Max Berg an Pol Reckinger konnte mir de Match kloer gewannen.
FLF Futsal Finale - Jeunes Filles
Eis Jeunes Filles haaten nët hieren beschten Dag. Waren eis jonk Meedercher nervös oder hunn sie gefaart....ob alle Fall de Ball ass nët gudd gelaf an vill Feeler am Spill ob dësem Dag, sou kennt een eis jonk Talenter guer nët. Schlussendlich gëtt den Atertdaul déi 3. an der Finale. Mir hunn déi zwee éischt Matcher gewonn an den duerno 1-1 gläich mam Racing gespillt. De 4. Match hu mir och gewonn mee leider war ët am leschte Match sou gudd wéi onméiglech nach déi éischt Plaz ze machen. Mir hätten de leschte Match géint Veianen mat 7-0 missten gewannen. Schlussendlich hu mir dësen dunn 3-1 verluer a landen onglécklech wéinst dem Goalverhältnis op der 3. Plaz.
Matcher:
Atertdaul - SC Bettembourg 2 - 1 (1x Hanna T., 1x Mara V.)
Atertdaul - E Hosingen 2 - 0 (1x Mara V., 1x Vania N.)
Atertdaul - Racing Luxembourg 1 - 1 (1x Marav V.)
Atertdaul - E Wormeldange 1 - 0 (1x Hanna T.)
Atertdaul - E Vianden 1 - 3 (1x Kate T.)
Klassement:
1. Racing Luxembourg 2. E Vianden 3. E Atertdaul 4. E Wormeldange 5. SC Bettembourg 6. E Hosingen
Tournoi Indoor - Futsal zu Useldeng
Klassement:
1. FC BROUCH 2. FC USELDENG 3. US BOEVANGE 4. SC ELL 5. FC PREIZERDAU/R.
Tournoi Indoor - Futsal zu Useldeng
Klassement:
1. SC ELL 2. FC USELDANGE 3. FC BECKERICH 4. FC GREVELS 5. US FOLSCHETTE
SC ELL - RF FC Freylange (B) 2 - 1
Eis 1. Equipe gewënnt mat 2-1 géint RJ Freylange aus der 2e Provinciale aus der Province de Luxembourg. Obschons vill Leit gefeelt hunn ass de Ball gudd laafen gelos ginn an mir hunn gudd dergéint gehal. Mir konnten nach an der éischter Halschent 1-0 a Féierung goën duerch de Charel Heusbourg. An der 2. Halschent konnt Freylange direkt ausgläichen an haat och nach weider puer gudd Chancen déi eis Goalkeep, de Pol May, awer all gehal huet. Duerno konnte mir nees duerch de Paul Wilwerding mat 2-1 a Féierung goen. Weider haate mir nach zweemol d'Lat getraf. Kuerz virun Schluss haat Freylange nach 2 gudd Fräistéiss wou de Pol May nees alles geklärt huet.
D'Goaler fir Ell hu geschoss:
1x Charel Heusbourg
1x Paul Wilwerding
